«Real» vingeri Vinisius Junior klubni tark etayotgan Daniel Karvaxalga murojaat yo‘lladi. Bugun madridliklar 34 yoshli himoyachi mavsum yakunida jamoadan ketishini e’lon qilishdi.
«Tarixdagi eng yaxshi o‘ng qanot himoyachisi va haqiqiy afsona. Bizga g‘alaba sari yo‘lni ko‘rsatgan va madridchi (madridista) bo‘lish nima ekanligini his qilishimizga yordam bergan sardor.
Ko‘p yillar davomida biz bitta kiyinish xonasini, maydondagi kurashlarni, sovrinlarni va men hech qachon unutmaydigan lahzalarni baham ko‘rdik. Biz birgalikda Chempionlar Ligasi, La Liga, klublar o‘rtasidagi jahon chempionatida zafar quchdik va o‘zimiz juda yaxshi ko‘radigan ushbu libosda tarixiy uchrashuvlarni o‘tkazdik.
Hammasi uchun rahmat senga. Sendan o‘rganish va shuncha lahzalarni birga baham ko‘rish men uchun sharaf bo‘ldi, akam. Sening isming «Real» tarixiga bir umrga muhrlanib bo‘lgan», – deb yozdi Vinisius.
