Ispaniyaning Ispaniya soliq agentligi "Barselona" jamoasining sobiq hakamlar texnik qo‘mitasi vise-prezidenti Xose Mariya Enrikes Negreyra bilan bog‘liq ishida sport korrupsiyasi alomatlari aniqlanmaganini ma’lum qildi.

Ma’lumotlarga qaraganda, tergov davomida hakamlarga to‘lovlar amalga oshirilgani yoki o‘yin natijalariga ta’sir o‘tkazilgani bo‘yicha hech qanday dalil topilmagan.

“Joriy tekshiruv doirasida to‘lovchiga biron-bir xizmat ko‘rsatilgani, masalan, hakamlik mezonlari, tayinlovlar yoki boshqa ichki ma’lumotlar taqdim etilgani isbotlanmadi. Shuningdek, u qandaydir tarzda o‘yin natijalariga ta’sir ko‘rsatgani ham tasdiqlanmadi”, — deyiladi bayonotda.

Tekshiruv davomida bank hisob raqamlari harakati o‘rganilgan, biroq hakamlarga to‘lovlar bo‘yicha hech qanday tasdiq topilmagan.

Shuningdek, hisobotda Kataloniya klubi tomonidan o‘yin natijalarini manipulyasiya qilish ehtimoliga oid hech qanday dalil mavjud emasligi qayd etilgan.