Hujumchi Endrik Madridning «Real» klubiga qaytish oldidan «Lion» safidagi so‘nggi o‘yinini o‘tkazdi. Braziliyalik futbolchi Liga 1 ning so‘nggi turidan o‘rin olgan «Lans»ga qarshi bahsda asosiy tarkibda maydonga tushdi, biroq «to‘quvchilar»ni o‘z maydonlaridagi yirik hisobli (0:4) mag‘lubiyatdan qutqarib qola olmadi.

Uchrashuvning 71-daqiqasida zaxiraga olinayotgan 19 yoshli futbolchi mahalliy muxlislar bilan xayrlashdi. Uning ijara muddati o‘z nihoyasiga yetmoqda. Endrik «Lion» safiga shu yilning yanvar oyida kelib qo‘shilgan edi. Umumiy hisobda hujumchi Fransiya jamoasi uchun 21 ta o‘yin o‘tkazib, 8 ta gol va 8 ta golli uzatmaga mualliflik qildi.

O‘yinchi yangi mavsumni «Real»da boshlaydi, uning Madrid klubi bilan 2030 yilgacha mo‘ljallangan shartnomasi bor.