O‘zbekiston futbol assosiasiyasi tomonidan yurtimizda faoliyat olib borayotgan murabbiylarga ta’lim berish bilan birga ularning bilimlarini muntazam ravishda yangilab borish yo‘lida ham ko‘plab chora-tadbirlar amalga oshirilmoqda.   Jumladan, 23 fevral kuni Xorazm viloyatidagi murabbiylar uchun bilimlarni yangilash bo‘yicha O‘FAning birinchi modul o‘quv-kurslari boshlandi. Mazkur kurslarda Zoir Hasanov instruktor sifatida, Anvar Alimov esa koordinator sifatida faoliyat yuritmoqda.   27-30 mart kunlari mazkur kurslarning ikkinchi moduli bo‘lib o‘tadi. Unda murabbiylar amaliy va nazariy imtihonlar topshirishadi. Imtihonlardan muvaffaqiyatl o‘tgan murabbiylar uch yil davomida murabbiylik faoliyati bilan shug‘ullanishlari mumkin bo‘ladi.