«Chelsi» klubining sobiq bosh murabbiyi Joze Mourinyu Angliya Liga Kubogi finalida Maurisio Sarri va Kepa Arrisabalaga o‘rtasida yuzaga kelgan tushunmovchilik haqida fikr bildirdi.
«Baxtga qarshi men bunday holatga umuman tushmaganman. Bir tomondan darvozabon o‘z ishonchini ko‘rsatishni istadi. U: «Men penaltilar seriyasida qatnashmoqchiman va jamoamga g‘alaba keltirmoqchiman. Men o‘zimga ishonaman va buni uddalay olaman», dedi. Bu jihat menga yoqdi.
Biroq menga yoqmagan tomoni ham bor, Kepa bu harakati bilan maydonga tushishga shay bo‘lgan jamoadoshi, murabbiy va boshqalarni qiyin ahvolga solib qo‘ydi», – deydi Mourinyu.
