Ayni kunlarda butun respublikamiz bo‘ylab yangi futbol mavsumi oldidan turli tadbirlar, muxlislar bilan uchrashuvlar hamda PEPSI Superliga o‘yinlariga muxlislarni jalb qilish borasida targ‘ibot ishlari o‘tkazilmoqda.
Yoshlarni futbolga qiziqtirish, ular o‘rtasida sog‘lom turmush tarzini targ‘ib etish maqsadida kecha Olmaliqda talabalar bilan uchrashuv o‘tkazildi. Professional futbol ligasi muxlislar bilan ishlash bo‘limi vakillari tomonidan AGMK klubi bilan hamkorlikda tashkil etilgan uchrashuvda ayni paytda murabbiy sifatida faoliyat olib borayotgan sobiq futbolchi Tal’at Abibullayev ham ishtirok etdi va yoshlarga o‘z faoliyati haqida so‘zlab berdi.
Uchrashuv davomida talaba yoshlar o‘zlarini qiziqtirgan savollar bilan murojaat etdi. Yakunda faol qatnashgan talabalarga sovg‘alar ulashildi.
