O‘zbekiston milliy terma jamoasi hamda “Lokomotiv” sobiq darvozaboni Ignatiy Nesterov Toshkentga keldi. Bu haqda Worldnews.uz axborot agentligi xodimi ma’lum qildi.

Tajribali darvozabon ayni vaqtda TTZ “Lokomotiv” stadionida bo‘lib o‘tayotgan “Lokomotiv” – “Al Vahda” o‘yinini muxlislar tribunasidan tomosha qilyapti.

Eslatib o‘tamiz, Nesterov Osiyo kubogi musobaqasidan keyin “Lokomotiv” klubini tark etib, Saudiya Arabistonning “Uhud” klubi darvozaboniga aylangandi.

Keyinchalik O‘zbekiston milliy tera jamoasi darvozaboni Nesterovdan Osiyo Kubogi davomida olingan tahlillarda ta’qiqlangan modda topilgani haqida ma’lumotlar paydo bo‘lgan edi.

Yakuniy qaror qabul qilingunga qadar Ignatiy Nesterov hech qaysi jamoa tarkibida maydonga tusha olmaydi.

Shuningdek, ushbu o‘yinni O‘zbekiston olimpiya terma jamoasi murabbiyi Lyubinko Drulovich va uning yordamchisi Ravshan Haydarov ham kuzatib boryapti. Bundan tashqari, stadionda MTJ bosh murabbiyi Ektor Kuper yordamchisini ham ko‘rish mumkin.