Ўзбекистон миллий терма жамоаси ҳамда “Локомотив” собиқ дарвозабони Игнатий Нестеров Тошкентга келди. Бу ҳақда Worldnews.uz ахборот агентлиги ходими маълум қилди.
Тажрибали дарвозабон айни вақтда ТТЗ “Локомотив” стадионида бўлиб ўтаётган “Локомотив” – “Ал Ваҳда” ўйинини мухлислар трибунасидан томоша қиляпти.
Эслатиб ўтамиз, Нестеров Осиё кубоги мусобақасидан кейин “Локомотив” клубини тарк этиб, Саудия Арабистоннинг “Уҳуд” клуби дарвозабонига айланганди.
Кейинчалик Ўзбекистон миллий тера жамоаси дарвозабони Нестеровдан Осиё Кубоги давомида олинган таҳлилларда таъқиқланган модда топилгани ҳақида маълумотлар пайдо бўлган эди.
Якуний қарор қабул қилингунга қадар Игнатий Нестеров ҳеч қайси жамоа таркибида майдонга туша олмайди.
Шунингдек, ушбу ўйинни Ўзбекистон олимпия терма жамоаси мураббийи Любинко Друлович ва унинг ёрдамчиси Равшан Ҳайдаров ҳам кузатиб боряпти. Бундан ташқари, стадионда МТЖ бош мураббийи Эктор Купер ёрдамчисини ҳам кўриш мумкин.
