Toshkentning “Lokomotiv” jamoasi OCHL guruh bosqichi 1-turda o‘z uyida BAAning “Al Vahda” jamoasini qabul qildi va 2:0 hisobida g‘alaba qozondi.
Ushbu uchrashuvdan so‘ng “Lokomotiv” jamoasi himoyachisi Islom To‘xtaxo‘jayev o‘z fikrlarini bildirib o‘tdi.
“Al Vahda”ga qarshi uchrashuvning birinchi bo‘limi ikkinchisiga qaraganda nisbatan osonroq bo‘ldi.
O‘yin amaliyotimiz kamligi ikkinchi bo‘limda biroz sezilib qoldi. Tezkor gol urganimiz g‘alaba qozonishimiz uchun katta rol o‘ynadi.
Ikkinchi bo‘limda biroz himoyaga qaytib o‘ynadik. Sababi, tinmay hujum qilishingizga hech qaysi raqib yo‘l qo‘ymaydi. Bir qator xavfli vaziyatlar yaratdik, lekin ularning faqat ikkitasini golga aylantira oldik.
Ikkinchi golga keladigan bo‘lsam, biz mashg‘ulot jarayonida ko‘proq jarima zarbalaridan mashqlar bajaramiz. Bugungi o‘yinda menga omad kulib boqdi va jarima zarbasidan gol urdim”, - deydi Islom To‘xtaxo‘jayev.
