Тошкентнинг “Локомотив” жамоаси ОЧЛ гуруҳ босқичи 1-турда ўз уйида БААнинг “Ал Ваҳда” жамоасини қабул қилди ва 2:0 ҳисобида ғалаба қозонди.

Ушбу учрашувдан сўнг “Локомотив” жамоаси ҳимоячиси Ислом Тўхтахўжаев ўз фикрларини билдириб ўтди.

“Ал Ваҳда”га қарши учрашувнинг биринчи бўлими иккинчисига қараганда нисбатан осонроқ бўлди.

Ўйин амалиётимиз камлиги иккинчи бўлимда бироз сезилиб қолди. Тезкор гол урганимиз ғалаба қозонишимиз учун катта рол ўйнади.

Иккинчи бўлимда бироз ҳимояга қайтиб ўйнадик. Сабаби, тинмай ҳужум қилишингизга ҳеч қайси рақиб йўл қўймайди. Бир қатор хавфли вазиятлар яратдик, лекин уларнинг фақат иккитасини голга айлантира олдик.

Иккинчи голга келадиган бўлсам, биз машғулот жараёнида кўпроқ жарима зарбаларидан машқлар бажарамиз. Бугунги ўйинда менга омад кулиб боқди ва жарима зарбасидан гол урдим”, - дейди Ислом Тўхтахўжаев.