Namanganning “Navbahor” U-21 yoshlar jamoasi Andijon viloyatida 24 fevraldan start olgan “Hokim kubogi - 2019” musobaqasida qatnashmoqda.

Mazkur turnirning chorak finaliga yo‘l olgan Rahim G‘ofurov shogirdlari bugun mazkur bosqich doirasidagi o‘yinni Andijon futbol liseyi jamoasiga qarshi o‘tkazib, yirik – 5:0 hisobida zafar quchdi.

Ta’kidlash joizki, U-21 yoshlar jamoamiz mazkur uchrashuvning 1-bo‘limidan keyin 2:0 hisobida g‘alaba qozonayotgandi.

Tanaffusdan keyin yosh “lochinlar” yana 3ta to‘p kiritib, yakuniy hisobning yirik ko‘rinish olishini ta’minlashdi.

Gollarga Qodir Ikromov (2ta), Mirjalol Abdumutalov, Asad Lutfullayev va zaxiradan maydonga tushgan Ismoil Abduraimov mualliflik qilishdi.

Ushbu o‘yinda U-21 yoshlar jamoamiz tarkibida quyidagi futbolchilar harakat qildi: Islom Abdullaxonov, Rahim Sharipov, Shahzod Hamidov, Mirjalol Abdumutalov, Asad Lutfullayev, Qodir Ikromov, Ayubxon  Jo‘rayev, Mahmud Najmiddinov, Komil Tojiddinov, Sherzod G‘ulomjonov, Abdurasul Qayumbayev.

Zaxiradan maydonga tushganlar: Ismoil Abduraimov, Omad Toshtemirov, Abdulaziz Jalilov, Husayn Ergashev, Boburmirzo Toshmirzayev.      

Rahim G‘ofurov shogirdlariga qaysi jamoaning raqib bo‘lishi ertaga ma’lum bo‘ladi va ushbu bosqich doirasidagi bahs ham ertaga bo‘lib o‘tadi