Наманганнинг “Навбаҳор” U-21 ёшлар жамоаси Андижон вилоятида 24 февралдан старт олган “Ҳоким кубоги - 2019” мусобақасида қатнашмоқда.
Мазкур турнирнинг чорак финалига йўл олган Раҳим Ғофуров шогирдлари бугун мазкур босқич доирасидаги ўйинни Андижон футбол лицейи жамоасига қарши ўтказиб, йирик – 5:0 ҳисобида зафар қучди.
Таъкидлаш жоизки, U-21 ёшлар жамоамиз мазкур учрашувнинг 1-бўлимидан кейин 2:0 ҳисобида ғалаба қозонаётганди.
Танаффусдан кейин ёш “лочинлар” яна 3та тўп киритиб, якуний ҳисобнинг йирик кўриниш олишини таъминлашди.
Голларга Қодир Икромов (2та), Миржалол Абдумуталов, Асад Лутфуллаев ва захирадан майдонга тушган Исмоил Абдураимов муаллифлик қилишди.
Ушбу ўйинда U-21 ёшлар жамоамиз таркибида қуйидаги футболчилар ҳаракат қилди: Ислом Абдуллахонов, Раҳим Шарипов, Шаҳзод Ҳамидов, Миржалол Абдумуталов, Асад Лутфуллаев, Қодир Икромов, Аюбхон Жўраев, Маҳмуд Нажмиддинов, Комил Тожиддинов, Шерзод Ғуломжонов, Абдурасул Қаюмбаев.
Захирадан майдонга тушганлар: Исмоил Абдураимов, Омад Тоштемиров, Абдулазиз Жалилов, Ҳусайн Эргашев, Бобурмирзо Тошмирзаев.
Раҳим Ғофуров шогирдларига қайси жамоанинг рақиб бўлиши эртага маълум бўлади ва ушбу босқич доирасидаги баҳс ҳам эртага бўлиб ўтади
