“Bunyodkor” bugun Superliganing yangi mavsumiga tayyorgarlik jarayonida “Yangiyer”ga qarshi nazorat uchrashuvini o‘tkazdi.
Bosh murabbiy Vadim Abramov bugungi bellashuvda maydonga yoshartirilgan tarkibni tushirdi. “Bunyodkor-akademiyasi” maydonida bo‘lib o‘tgan bellashuv gollarga boy tarzda kechdi.
Jamoamiz avvaliga ikki to‘p farqi bilan hisobda oldinga chiqib olgan edi. Ammo iroda ko‘rsatgan raqib vaziyatni o‘nglay oldi va hisobni tenglashtirdi. Biroq qolgan daqiqalarda “qaldirg‘ochlar” irodasini namoyish qilib, durangni g‘alabaga aylantirdi – 4:2.
Ertaga "Bunyodkor" navbatdagi nazorat o‘yinida maydonga tushadi. Raqib Toshkentning “Oq-tepa” jamoasi bo‘ladi.
O‘rtoqlik uchrashuvi
BUNYODKOR - YANGIYER - 4:2 (2:1)
5 mart. Toshkent. «Bunyodkor-akademiyasi» maydoni.
Bosh hakam: Ilgiz Tantashev.
«Bunyodkor»: Eldor Adhamov, Burxon Usmonov (Muhammadodil Qahramonov), Nodir Mavlonov, Bobur Farhodov, Abubakr Mo‘ydinov, Farrux Ikromov, Suhrob Izzatov, Kamron Najafaliyev, Sardor Azimov, Sanjar Rihsiboyev, Jahongir Abdusalomov (Vladislav Nuriyev).
Gollar: Sanjar Rihsiboyev, 17 - 1:0. Sardor Azimov, 28 - 2:0. Sanjar Rihsiboyev, 75 - 3:2. Sanjar Rihsiboyev, 82 - 4:2.
