Ertaga soat 17:00 da Navoiy shahridagi “Yoshlar sport majmuasi” stadionida “Qizilqum” – “Andijon” uchrashuvi bilan mamlakat XXVIII milliy chempionati o‘yinlari start oladi. 1-turning yana bir o‘yini – “Paxtakor” va “Lokomotiv” jamoalari o‘rtasidagi uchrashuvi esa ushbu klublarimizning OCHL-2019 bahslaridagi ishtiroki bois 16 mart sanasiga ko‘chirildi.
9 mart sanasidan yana ikki o‘yin o‘rin egallagan. Samarqandda “Dinamo” “Nasaf”ni qabul qilsa, AGMK Olmaliqda “Buxoro” bilan kuch sinashadi. 1-tur bahslari 10 mart kuni yakunlanadi. Shu kuni Toshkentda “Navbahor” – “Qo‘qon 1912”, Jizzaxda “So‘g‘diyona” – “Bunyodkor” uchrashuvlari bo‘lib o‘tadi. Bekobodning “Metallurg” jamoasi esa Termizda Superliga debyutanti “Surxon”ga qarshi bahs olib boradi.
