Эртага соат 17:00 да Навоий шаҳридаги “Ёшлар спорт мажмуаси” стадионида “Қизилқум” – “Андижон” учрашуви билан мамлакат XXVIII миллий чемпионати ўйинлари старт олади. 1-турнинг яна бир ўйини – “Пахтакор” ва “Локомотив” жамоалари ўртасидаги учрашуви эса ушбу клубларимизнинг ОЧЛ-2019 баҳсларидаги иштироки боис 16 март санасига кўчирилди.

9 март санасидан яна икки ўйин ўрин эгаллаган. Самарқандда “Динамо” “Насаф”ни қабул қилса, АГМК Олмалиқда “Бухоро” билан куч синашади. 1-тур баҳслари 10 март куни якунланади. Шу куни Тошкентда “Навбаҳор” – “Қўқон 1912”, Жиззахда “Сўғдиёна” – “Бунёдкор” учрашувлари бўлиб ўтади. Бекободнинг “Металлург” жамоаси эса Термизда Суперлига дебютанти “Сурхон”га қарши баҳс олиб боради.