Otabek Muhammadaliyevich Umarov O‘zbekiston triatlon federasiyasi prezidenti lavozimiga saylandi. Bu haqda Worldnews.uz axborot agentligiga yaqin manba ma’lum qildi.
Aytilishicha, bugun, 7 mart kuni O‘zbekiston Milliy olimpiya qo‘mitasida O‘zbekiston triatlon federasiyasining hisobot-saylov konferensiyasi o‘tkazilgan.
Konferensiyada triatlon federasiyasiga yangi rahbar sifatida Otabek Umarov nomzodi ko‘rsatilgan va nomzod bir ovozdan qo‘llab-quvvatlangan.
Ma’lumot o‘rnida, Otabek Muhammadaliyevich Umarov O‘zbekiston Prezidenti Shavkat Mirziyoyevning kuyovi hisoblanadi.
Otabek Umarovni Prezident yonida tushgan ko‘plab suratlari bor. Norasmiy ma’lumotlarga ko‘ra, u Shavkat Mirziyoyevning tan soqchilari rahbari bo‘lib ham ishlaydi.