Отабек Муҳаммадалиевич Умаров Ўзбекистон триатлон федерацияси президенти лавозимига сайланди. Бу ҳақда Worldnews.uz ахборот агентлигига яқин манба маълум қилди.
Айтилишича, бугун, 7 март куни Ўзбекистон Миллий олимпия қўмитасида Ўзбекистон триатлон федерациясининг ҳисобот-сайлов конференцияси ўтказилган.
Конференцияда триатлон федерациясига янги раҳбар сифатида Отабек Умаров номзоди кўрсатилган ва номзод бир овоздан қўллаб-қувватланган.
Маълумот ўрнида, Отабек Муҳаммадалиевич Умаров Ўзбекистон Президенти Шавкат Мирзиёевнинг куёви ҳисобланади.
Отабек Умаровни Президент ёнида тушган кўплаб суратлари бор. Норасмий маълумотларга кўра, у Шавкат Мирзиёевнинг тан соқчилари раҳбари бўлиб ҳам ишлайди.