Мадриднинг «Реал» клуби ва Испания терма жамоаси ҳимоячиси Марк Кукурелья 2026/27 йилги мавсумдаги режалари ҳақида гапириб берди. Ушбу мавсум испаниялик футболчи учун «қаймоқранглилар» сафидаги дебют мавсумга айланади.
«Мбаппе ва Винисиус учун ўзимни қурбон қилишга тайёрман. Жамoамиз ғалаба қозониши учун бор "қора ишларни" бажаришга тайёрман. Менинг ягона мақсадим — фақат ғалаба қозониш», — дея ҳимоячининг сўзларини келтиради инсайдер Фабрицио Романо Х ижтимоий тармоғидаги саҳифасида.
Марк Кукурелья 2026 йилнинг 15 июнь куни «Челси»дан «Реал Мадрид»га расман кўчиб ўтган эди. Трансфер суммаси 55+5 миллион еврони ташкил этди. Ўзаро шартнома олти мавсумга мўлжалланган бўлиб, 2032 йилга қадар амал қилади. Ҳозирда Кукурелья ЖЧ-2026 мусобақасида иштирок этиш учун Испания терма жамоаси ихтиёрида бўлиб турибди.
