Yurtimizda yangi futbol mavsumi boshlanishiga ham borgan sayin kam muddat qolmoqda. 8-9-10 mart kunlari Superligada 1-tur uchrashuvlari bo‘lib o‘tadi.
Bilasiz, Professional futbol ligasi maydoni ayni paytda uchrashuvlarni qabul qilishga tayyor bo‘lmagan jamoalarga stadion tanlash huquqini taqdim etgan. Shu boisdan “Navbahor” — “Qo‘qon-1912” uchrashuvi Toshkentdagi TTYMI stadionida bo‘lib o‘tadigan bo‘ldi. “Qo‘qon-1912” uy stadioni ham ayni damda yangi mavsumga to‘liq tayyor emas. Namanganliklar shu boisdan o‘z uy uchrashuvini Farg‘onadagi “Istiqlol” stadionida o‘tkazish niyatida edi. Yakunda “Navbahor” “Istiqlol” stadioni emas, balki TTYMI stadioni bilan kelisha oldi va natijada “lochinlar” ilk tur o‘yinini Toshkentda o‘tkazadigan bo‘lishdi.
TTYMI stadioni yoritish tizimi talablarga to‘liq javob bermagani boisdan o‘yin rejadagidan 1 soat oldinroq boshlanadi. Shuningdek, Termizdagi “Surxon” sport majmuasida bo‘lib o‘tadigan “Surxon” – “Metallurg” uchrashuvi ham Sport telekanali orqali namoyish etilishi rejalashtirilgani bois rejadagidan 1 soat ertaroq boshlanadi.
1-tur
10 mart, yakshanba
13:00 SURXON — METALLURG
15:00 NAVBAHOR — QO‘QON-1912
18:00 SO‘G‘DIYONA — BUNYODKOR
