Kuni kecha “Bunyodkor” jamoasi a’zolari FIFAning yangi o‘yin qoidalari bo‘yicha o‘tkazilgan seminarda ishtirok etishdi.
“Bunyodkor” futbol klubi akademiyasi qarorgohida o‘tkazilgan seminarni OFK instruktori, O‘FA Hakamlar va nazoratchilar qo‘mitasi a’zosi, Superliga hakamlar nazoratchisi Vladislav Seytlin olib bordi.
Seminarda Vladislav Seytlin jamoa a’zolarini futbol o‘yiniga kiritilgan va kiritilishi arafasida turgan yangi qoidalar bilan FIFA tomonidan ishlab chiqilgan videoroliklar orqali batafsil tanishtirdi. Videoroliklardagi turli holatlar yuzasidan murabbiylar va futbolchilarning fikrlari tinglandi va ularga kerakli tushuntirishlar berildi.
