Marokash Gran-Prisining -81 kg vazn toifasidagi bahslarida yurtimiz sharafini himoya qilayotgan vakilimiz Sharofiddin Boltaboyev to‘rtta uchrashuvda g‘alaba qozonib, yarim final yo‘llanmasini qo‘lga kiritgan edi.
Boltaboyev marokashlik Ashraf Mouti, gabonlik Terens Kouamba, kanadalik Etyenn Braynd, polshalik Damyan Shvarnovichkini mag‘lubiyatga uchratdi. Yarim final uchrashuvida turkiyalik Vedat Albayrakka qarshi tatamiga chiqdi va imkoniyatni boy berib qo‘ydi.
Endi Sharofiddin birozdan so‘ng bronza medali uchun gresiyalik Aleksios Ntanasidisga qarshi tatamiga chiqadi.