“Surxon” — “Metallurg” uchrashuvidan so‘ng mehmonlar ustozi Andrey Shipilov quyidagicha fikr bildirib o‘tdi:
"Chempionat start oldi, 1-tur o‘yini hamisha oson kechmaydi. Bugungi raqibimizning kuchli va kuchsiz tomonlarini yaxshi bilar edim.
Lekin o‘yin men o‘ylagan reja asosida kechmadi. O‘yin boshidanoq juda qo‘pol xato tufayli gol o‘tkazib yubordik. Hali uyga qaytgach ushbu xatoni albatta tahlil qilib chiqamiz. Birinchi bo‘limda to‘pga egalik qilishda ustun bo‘ldik.
Lekin gol kiritish nasib etmadi. Ikkinchi bo‘limda esa o‘yinimiz ancha o‘zgardi. Men Abbos Otaxonovga milliy terma jamoadan o‘rin olish uchun nafaqat orqada, balki oldingi chiziqda ham yaxshi o‘ynay olish lozimligini ko‘p aytaman. Bugun ushbu holat o‘zini oqlaganidan xursandman", - dedi mutaxassis.
