Osiyo chempionlar ligasi guruh bosqichi 2-turidan o‘rin olgan “Paxtakor” – “Al-Ahli” uchrashuvi mezbonlarning g‘alabasi bilan tugadi.
O‘yindan so‘ng mezbonlar bosh murabbiyi Shota Arveladze fikrlarini bildirib o‘tdi.
Biz o‘tgan yili ham yaxshi o‘ynagandik, klub sifatida o‘sgandik. Bu yil omad ham biz bilan bo‘lmoqda. O‘tgan yili Qatarda penaltidan gol o‘tkazgandik, bu yil esa Dubayda ura olishmadi. Yigitlar o‘sib borishmoqda. Ular yaqindagina terma jamoada Yaponiyaga qarshi teng o‘ynashdi, jahon chempionatida o‘ynagan futbolchilardan iborat klubga qarshi Eronda teng o‘ynadik. Biz ham shunday qila olamiz. Oldinga harakatlanish lozim.
Kelasi o‘yinda boshqacha o‘ynarmiz. Futbolda hamisha kelasi safar eng muhimi. Vaziyatlardan foydalana olmadik, ammo kelgusi gal hammasi boshqacha bo‘lishi mumkin.
Birinchi uchrashuvda raqib faolroq o‘ynagandik, eronliklar keskinroq harakat qilishgandi. Ularning uslubi boshqacharoq. Muxlislardan ham bilsa bo‘ladi. Eronda yuz minggacha muxlis keladi.
Yigitlar yaxshi o‘ynashdi. To‘pni nazorat qildik, vaziyatlar yaratdik. Zaxirani kech qilmadim, biz yaxshi harakatlandik, almashtirish o‘yinni buzib qo‘yish mumkin edi.
