O‘zbekiston futbol assosiasiyasi mamlakatimizda murabbiylik sohasini rivojlantirish, murabbiylar malakasini oshirish bo‘yicha bir qator chora-tadbirlarni amalga oshirmoqda.
Jumladan, Toshkentda "S" lisenziyasi bo‘yicha O‘FA murabbiylik kurslari boshlandi. Mazkur kurslarni Dmitriy Kim o‘tkazyapti. Unga Oybek Davletmurotov assistentlik qilmoqda. O‘quv kurslari nazariy va amaliy mashg‘ulotlarni o‘z ichiga oladi.
"S" lisenziyasi bo‘yicha O‘FA murabbiylik kurslarida 20 nafar murabbiy ta’lim olyapti. Ular orasida Kamoliddin Murzoyev, Asqar Jadigerov, Ilhom Yunusov kabi sobiq futbolchilar bor. O‘quv kurslari 21 mart kuni yakuniga yetadi.
Kurslarni muvaffaqiyatli yakunlagan murabbiylar 3 yilga mo‘ljallangan O‘FAning murabiylik bo‘yicha "S" lisenziyasini qo‘lga kiritishadi.
