AQSHning Las-Vegas shahri mezbonlik qilayotgan og‘ir atletika bo‘yicha o‘smirlar o‘rtasidagi JCHda yana bir xushxabar.
Biroz avval qizlarimizdan Tursunoy Jabborova (-81 kg) 1 ta oltin, 2 ta kumush medallarini qo‘lga kiritgani haqida xabar bergan edik.
Yigitlarimizdan Mirhosil Mirzaboyev ham terma jamoamiz g‘aznasiga 2 ta bronza medalini qo‘shib qo‘ydi. -96 kg vazn toifasida supachaga chiqqan Mirzaboyev dast ko‘tarish mashqida 143 kg bilan bronza medaliga ega chiqqan bo‘lsa, ikki kurashda ham shu o‘rnini saqlab qola oldi.
Og‘ir atletika. O‘smirlar o‘rtasida JCH. Las-Vegas, AQSH
Yigitlar, -96 kg
1. Raxat Bekbolat (Qozog‘iston) – 323 kg
2. O‘nur Demirchi (Turkiya) – 315 kg
3. Mirhosil Mirzaboyev (O‘zbekiston) – 311 kg
Shuning bilan terma jamoamiz vakillarining musobaqadagi ishtiroki yakunlandi. Polvonlarimiz ushbu dunyo birinchiligida jami 16 ta medal jamg‘arishga muvaffaq bo‘lishdi. Shulardan 8 tasi oltin, 6 tasi kumush, va 2 tasi bronza medallaridir. O‘zbekiston Milliy Olimpiya qo‘mitasi bunday ajoyib natija bilan O‘zbekiston og‘ir atletika federasiyasi mutasaddilari, sportchilarimiz, ota-onalari va siz aziz muxlislarni muborakbod etadi.
JCHda shohsupaga ko‘tarilgan sportchilarimizning to‘liq ro‘yxati quyidagicha:
Og‘abek Nafasov – 2 ta kumush
Nigora Abdullayeva – 3 ta oltin
Asadbek Narimonov – 1 ta oltin, 2 ta kumush
Kumushxon Fayzullayeva – 3 ta oltin
Tursunoy Jabborova – 1 ta oltin, 2 ta kumush
Mirhosil Mirzaboyeva – 2 ta bronza
