Ikki toifa vaznda UFC'ning sobiq chempioni irlandiyalik Konor Makgregor Mayami-Bichdagi tungi klubda muxlisning telefonini sindirgani uchun polisiya tomonidan hibsga olindi.
Daily Mail xabariga ko‘ra, Makgregorga talonchilik va bezorilik ayblovi qo‘yilgan.
Hibsga olish bayonnomasiga ko‘ra, dushanba kuni sportchi klubni tark etayotgan vaqtda muxlis u bilan telefonida suratga olmoqchi bo‘lgan. Makgregor uning qo‘lidan telefonini tortib olib, yerga urgan va toptagan, shundan so‘ng 1000 dollarlik telefonni olib ketgan.
