Икки тоифа вазнда UFC'нинг собиқ чемпиони ирландиялик Конор Макгрегор Майами-Бичдаги тунги клубда мухлиснинг телефонини синдиргани учун полиция томонидан ҳибсга олинди.
Daily Mail хабарига кўра, Макгрегорга талончилик ва безорилик айблови қўйилган.
Ҳибсга олиш баённомасига кўра, душанба куни спортчи клубни тарк этаётган вақтда мухлис у билан телефонида суратга олмоқчи бўлган. Макгрегор унинг қўлидан телефонини тортиб олиб, ерга урган ва топтаган, шундан сўнг 1000 долларлик телефонни олиб кетган.
