Madridning "Real" klubi mavsumni ijarada o‘tkazayotgan futbolchilari – Xames Rodriges va Mateo Kovachichlarni transferga qo‘ymoqchi. Bu haqda El Confidencial nashri xabar bermoqda.

Unga ko‘ra “qirollik klubi” prezidenti Florentino Peres kolumbiyalik futbolchini 60 million, xorvatiyalik futbolchini esa 50 million yevroga sotishni rejalashtirmoqda.

Eslatib o‘tamiz, Xames mavsumni “Bavariya”da, Kovachich esa “Chelsi”da o‘tkazmoqda.

Ma’lumotlarga qaraganda “Real” bundan tashqari shuningdek ijarada yurgan boshqa futbolchilar - Borxa Mayoral ("Levante"), Raul de Tomas ("Rayo Valyekano"), Lukas Silva ("Kruzeyro") va Martin Edegorlarni ("Vitess") ham sotib yubormoqchi.