Yarimhimoyachi Frank Kessie va Lukas Bigliya "Inter" bilan derbida (2:3) "Milan"ning zaxira o‘rindig‘ida janjallashib ketishdi.
Argentinalik futbolchi butun o‘yinni zaxirada o‘tkazdi, Kessie esa 69-daqiqada almashtirilib, maydonni tark etdi.
Almashtirilganidan so‘ng afrikalik juda asabiy ko‘rindi, shu payt Bigliya unga nimadir dedi. Bu amlashtirilgan o‘yinchining qat’iy reaksiyasiga sabab bo‘ldi, ammo Inyasio Abate, Rikardo Rodriges va Fabio Borini ularni ajratib, mushtlashuvga yo‘l qo‘ymadilar.
O‘yin tugagach, Kessie va Bigliya birgalikda matbuotda chiqishdi va vaziyatni tushuntirdilar.
"Bunga o‘yindagi adrenalin sababchi. Maydonni tark etayotganimda ranjigandim, o‘ynagim kelgandi. Lukasga qaraganim - xato bo‘ldi. Keyin uzr so‘radim.
U mendan katta, Undan o‘rganishim kerak, afsusdaman", - deydi Kessie.
"Frank mening nima deganimni biladi. Keyinroq kelishib oldik. Hammamiz g‘alaba qozonishni istaymiz, ammo omma oldida bunday qilmasligimiz kerak. Buni kiyinish xonasiga hal qilganimiz yaxshiroq edi.
Bu sahna o‘zimiz uchun yoqimsiz bo‘ldi. BUndan uyalyapman. Yigitlardan va murabbiydan uzr so‘radim.
Bu biz xohlagan narsa emas. Klubni sharmanda qildik. Bu takrorlanmaydi", - deydi Bigliya.
