Яримҳимоячи Франк Кессиэ ва Лукас Биглия "Интер" билан дербида (2:3) "Милан"нинг захира ўриндиғида жанжаллашиб кетишди.

Аргентиналик футболчи бутун ўйинни захирада ўтказди, Кессиэ эса 69-дақиқада алмаштирилиб, майдонни тарк этди.

Алмаштирилганидан сўнг африкалик жуда асабий кўринди, шу пайт Биглия унга нимадир деди. Бу амлаштирилган ўйинчининг қатъий реакциясига сабаб бўлди, аммо Иньяцио Абате, Рикардо Родригес ва Фабио Борини уларни ажратиб, муштлашувга йўл қўймадилар.

Ўйин тугагач, Кессиэ ва Биглия биргаликда матбуотда чиқишди ва вазиятни тушунтирдилар.

"Бунга ўйиндаги адреналин сабабчи. Майдонни тарк этаётганимда ранжигандим, ўйнагим келганди. Лукасга қараганим - хато бўлди. Кейин узр сўрадим.
У мендан катта, Ундан ўрганишим керак, афсусдаман", - дейди Кессиэ.

"Франк менинг нима деганимни билади. Кейинроқ келишиб олдик. Ҳаммамиз ғалаба қозонишни истаймиз, аммо омма олдида бундай қилмаслигимиз керак. Буни кийиниш хонасига ҳал қилганимиз яхшироқ эди.

Бу саҳна ўзимиз учун ёқимсиз бўлди. БУндан уяляпман. Йигитлардан ва мураббийдан узр сўрадим.

Бу биз хоҳлаган нарса эмас. Клубни шарманда қилдик. Бу такрорланмайди", - дейди Биглия.