Ushbu mavsumda "Oltin butsa" sovrini uchun kurash "Barselona" sardori Lionel Messi va "PSJ" hujumchisi Kilian Mbappe o‘rtasida kechmoqda.

Argentinalik futbolchi kecha bo‘lib o‘tgan "Betis"ga qarshi La liga bahsida 3ta gol urishga muvaffaq bo‘ldi. Shu tariqa, Leo Ispaniya chempionatidagi o‘z gollari sonini 29taga yetkazib oldi.

O‘z navbatida Kilian Mbappe ham kecha o‘tkazilgan Fransiya chempionati o‘yinida gol urdi. U "Marsel" darvozasini bir marta ishg‘ol qildi, ammo bahsga qo‘shib berilgan daqiqalarda penaltidan gol ura olmadi. Uning Liga-1ning ushbu mavsumdagi gollari soni 26taga yetdi.

"Sampdoriya" futbolchisi Kualyarella 21ta gol bilan "Oltin butsa" uchun kurashda 3-o‘rinni egallab turgan bo‘lsa, Krishtianu Ronaldu ("Yuventus") va Kshishtof Pyontek ("Milan") 19ta gol bilan kuchli beshlikka kirishgan.

"Oltin butsa"-2019 g‘olibligi uchun da’vogarlar:

1. Lionel Messi ("Barselona"): 29 gol (x2.0) / 58 ochko
2. Kilian Mbappe ("PSJ"): 26 gol (x2.0) / 52 ochko
3. Fabio Kvalyarella ("Sampdoriya"): 21 gol (x2.0) / 42 ochko
4-5. Krishtianu Ronaldu ("Yuventus"): 19 gol (x2.0) / 38 ochko
4-5. Kshishtof Pyontek ("Milan"): 19 gol (x2.0) / 38 ochko
6-8. Serxio Aguero ("Manchester Siti"): 18 gol (x2.0) / 36 ochko
6-8. Luis Suares ("Barselona"): 18 gol (x2.0) / 36 ochko
6-8. Robert Levandovski ("Bavariya"): 18 gol (x2.0) / 36 ochko
9-15. Pyer-Emerik Obameyang ("Arsenal"): 17 gol (x2.0) / 34 ochko
9-15. Muhammad Saloh ("Liverpul"): 17 gol  (x2.0) / 34 ochko
9-15. Xarri Keyn ("Tottenxem"): 17 gol (x2.0) / 34 ochko
9-15. Duvan Sapata ("Atalanta"): 17 gol (x2.0) / 34 ochko
9-15. Edinson Kavani ("PSJ"): 17 gol  (x2.0) / 34 ochko
9-15. Nikolas Pepe ("Lill"): 17 gol (x2.0) / 34 ochko
9-15. Sadio Mane ("Liverpul"): 17 gol  (x2.0) / 34 ochko