O‘zbekiston futbol assosiasiyasining Futbolni rivojlantirish departamenti tomonidan 24 mart kuni O‘FA huzuridagi hududiy bolalar-o‘smirlar futbol akademiyalari direktorlari ishtirokida navbatdan tashqari yig‘ilish o‘tkazildi.

Mazkur yig‘ilishning o‘tkazishdan asosiy maqsad, O‘FA huzuridagi hududiy bolalar-o‘smirlar futbol akademiyalari o‘rtasida o‘tkaziladigan O‘zbekiston chempionati hamda Xalqaro musobaqaga tayyorgarlik jarayoni, akademiya bitiruvchilarining kelajakdagi taqdiri, akademiyalarda marketing tizimini joriy etish va boshqa masalalarni muhokama qilishdan iborat.

Shuningdek, O‘FA huzuridagi hududiy bolalar-o‘smirlar futbol akademiyalari tarbiyalanuvchilari hamda murabbiylari uchun “English For Football” ingliz tili o‘quv-dasturini amaliyotga tatbiq etish bo‘yicha mutaxassis Sa’dulla Muzaffaparov taqdimot o‘tkazmoqda.

Bundan tashqari yig‘ilganlarga  Gulmira Devyatova tomonidan “O‘zbekistonda ayollar futbolini rivojlantirish” mavzusi yuzasidan ma’ruza o‘qib eshittirildi.