Kataloniyaning “Barselona” klubi “Bavariya” himoyachisi David Alabaga qiziqib qoldi. Bu haqda Sport.es xabar bermoqda.
Manbaning xabariga ko‘ra, kataloniyaliklar avstriyalik futbolchini yozgi transfer oynasida olib kelmoqchi. Shuningdek, futbolchi xizmatlariga Madridning “Real” klubi ham qiziqish bildirmoqda.
Eslatib o‘tamiz, 26 yoshli Alaba “Bavariya” safida 2008 yildan buyon to‘p surib keladi. Joriy mavsum u 34ta o‘yinda maydonga tushib, 2ta gol urgan va 5ta golga ham mualliflik qilgan. Uning amaldagi shartnomasi 2021 yilgacha mo‘ljallangan.
