Xullas, qiziq ishlar bo‘lyapti. Muxlislarda to‘g‘ri fikrlarni shakllantirish, turli xil gap-so‘zlarga emas, aniq ma’lumotlarga ega bo‘lishlari uchun ham shular haqida aytib turaman.
Xullas, “Navbahor” Farg‘onadagi “Istiqlol” stadionida o‘ynaymiz deb xat bergan bo‘lsa, bugun “Istiqlol” tomoni kelishuvni yana bekor qildi, deyishdi. Ketma-ket ikkinchi marta. Farg‘ona va Namangan kattalari o‘zlari kelishib olishar, deb umid qilamiz. “Navbahor” esa “Bunyodkor”ga qarshi bellashuv uchun stadion izlayapti.
“Lokomotiv” tomoni “Andijon”ni qabul qilishga va ikkinchi davrani Andijonda o‘tkazishga rozi bo‘ldi. Biroq Toshkentda bir kunda ikki uchrashuv o‘tkazishning iloji bo‘lmayapti. Qolgan 5 ta uchrashuvning vaqtlari hozircha aniq.
Bu holat juda yoqimli emas, shuningdek, kutilmagan ham emas. Muhimi, Andijon, Namangan, Qo‘qon kabi shaharlardagi stadionlar yaxshilanadi. Bekobodda yaxshilandi, Olmaliqda yaxshi. Toshkentda ham yaxshi, “Milliy stadion” ham yaxshi bo‘lyapti. Qolganlari ham avvalgi holatlaridan ancha ijobiy o‘zgarishlar qilgan. Voqealar rivojini kuzatishda davom etamiz
