Bugun mamlakat milliy chempionati –  Superligada 2-tur uchrashuvlari davom ettiriladi.

Birozdan so‘ng Termizda Superliga debyutantlari – “Surxon” va “Dinamo” o‘zaro kuch sinashsa, soat 19:00 da Toshkentda muxlislar “Lokomotiv” – “Navbahor” uchrashuvining guvohi bo‘lishadi.
Kecha ham O‘zbekiston Superligasi 2-turida ikkita o‘yin bo‘lib o‘tgan edi. "Meallurg" Bekobodda "Buxoro"ni 2:0 hisobida dog‘da qoldirganligini yaxshi bilasiz. Undan oldinroq esa Navoiyda “Qizilqum” poytaxt viloyatining boshqa bir jamoasi – AGMKni ikki to‘p farqi bilan mag‘lub etdi – 3:1.
Kechagi o‘yinlarga oid qiziqarli ma’lumotlar: dastavval "Metallurg"ga tegishlilariga to‘xtalsak.

Rossiyalik legioner Sergey Tumasyan O‘zbekiston chempionatidagi ilk golini kiritdi. Tajribali Server Jeparov esa milliy chempionatimizdagi gollari sonini 98 taga yetkazib oldi.

Uning umuman mamlakatimiz klublari safida kiritgan barcha gollari soni (O‘zbekiston chempionati, kubogi, terma jamoa va klublar safida xalqaro maydonlarda kiritgan gollari) 165-taga yetdi. Bundan tashqari Server Jeparov 2 yilu, 7 oy va 21 kundan (yoki 963 kun) so‘ng yana O‘zbekiston chempionatida to‘p kiritishga muvaffaq bo‘ldi. Server so‘nggi marta 2016 yil 8 avgust kuni "Lokomotiv" safida "Andijon" darvozasiga gol urgan edi.