"Manchester Siti"ning argentinalik himoyachisi Nikolas Otamendi yozda jamoasini almashtirish haqida o‘ylamoqda. Bu haqda "Goal.com" nashri yozmoqda.

Manbaga ko‘ra, 31 yoshli futbolchi "shaharliklar" safida kam o‘ynayotganidan norozi, shu bois boshqa klubga o‘tmoqchi.

Joriy mavsumda Otamendi barcha turnirlarda 28 ta o‘yinda maydonga tushib, 1 ta gol  urdi va 1 ta golli uzatmani amalga oshirdi.

Otamendining amaldagi shartnomasi 2022 yilgacha mo‘ljallangan bo‘lib, narxi 30 mln yevroga teng.