Ertaga «Bunyodkor» Superliganing 2-tur doirasida «Paxtakor»ga qarshi maydonga tushadi.

Turning markaziy uchrashuvi maqomini olgan bahs qiziqarli, shiddatli va kurashlarga boy o‘tishiga shubha yo‘q. Poytaxt derbisini bevosita stadionda tomosha qilish uchun tashrif buyurgan ishqibozlar zerikib qolmasligi o‘yin oldi va tanaffus vaqtida bir qator tadbirlar o‘tkazilishi rejalashtirilgan. Xususan, tanaffus vaqtida yutuqli o‘yin o‘ynaladi. G‘oliblarga «Bunyodkor» futbol klubi hamkori LES AILES milliy restoranlar tarmog‘idan vaucherlar taqdim qilinadi.

Demak, ertaga «Paxtakor» markaziy stadioniga tashrif buyurishingiz uchun sizda sabablar yetarli. Ham shiddatli o‘yinni tomosha qiling ham vaucherlardan birini qo‘lga kiritib, LES AILES tushlik qiling!