Gruziya poytaxtida dzyudo bo‘yicha Gran-pri musobaqasi o‘z poyoniga yetib bormoqda. Biroz avval -100 kilogarmm vazn toifasida datslabki bronza medali uchun bahs yakunlandi.
Quvonarlisi, unda ishtirok etgan yurtdoshimiz Muhammadkarim Xurramov italiyalik Juliano Loporchioga qarshi bahs olib borib, o‘z g‘alabasini tantana qildi. Ta’kidlash joiz, Xurramov mart oyining boshida Marrakeshda o‘tgan Gran-prida ham shohsupaning uchinchi pog‘onasiga ko‘tarilgan edi.
Ushbu vakilimiz 1 oy ichida 2 bor Gran-prining bronza medaliga sazovor bo‘ldi. Ushbu muvaffaqiyatdan keyin vakilimiz Tokio Olimpiadasi yo‘llanmasi uchun yana 350 reyting ochkosiga ham ega bo‘lmoqda.
Shu tariqa Tbilisi Gran-prisida ishtirok etgan terma jamoamiz musobaqani 2 ta bronza medali bilan yakunladi. Eslatib o‘tamiz, turnirning birinchi kunida Sharofiddin Lutfullayev (-60 kg) ham bronza medaliga sazovor bo‘lgan edi.
