Ushbu haftada Superligada 3-tur uchrashuvlari bo‘lib o‘tadi.

Bilasiz,  Superliga nomi ostida o‘tadigan 2019 yilgi mavsumidan boshlab, har bir tur uchrashuvlarida jamoalarning qanday rangdagi libosda maydonga chiqishlari Professional futbol ligasi tomonidan belgilab berilmoqda. Bunda mezbon jamoaning o‘z maydonida muxlislari qarshisida to‘p surishi inobatga olinib, birinchi galda mezbon klubning asosiy rangidagi libosda harakat qilishi ahamiyat kasb etadi. Shu boisdan har bir klub yangi mavsum uchun uy va safar liboslarini bir-biridan keskin farq qiladigan tarzda tanlashlariga urg‘u berildi.

3-tur doirasida “Dinamo” o‘z maydonida “Metallurg” bilan bahs olib boradi. O‘yinda samarqandliklar to‘liq oq rangdagi sport formalarida maydonga tushishadi. “Metallurg” esa ko‘k rangli libosda harakat qiladi. 

Ta’kidlab o‘tamiz, “Dinamo” — “Metallurg uchrashuvi 6 aprel, shanba kuni “Dinamo” stadionida soat 16:30da bo‘lib o‘tadi.