Havaskor bokschilar o‘rtasida Ozarbayjonda bo‘lib o‘tayotgan «Buyuk Ipak yo‘li» xalqaro musobaqasida o‘zbekistonlik bokschi bilan bog‘liq noxush holat ro‘y berdi.
Musobaqaning dastlabki bosqichida -64 kg vazn toifasi vakili o‘zbekistonlik Aliyor Noraliyev mezbon sportchiga qarshi jang vaqtida boshidan jiddiy jarohat oldi va uni tez tibbiy yordam mashinasida shifoxonaga olib borishlariga to‘g‘ri keldi.
O‘zbekiston boks federasiyasidagi manba ham mazkur ma’lumot to‘g‘ri ekanligini tasdiqladi. Hozircha bokschining ayni vaqtdagi holati yuzasidan ma’lumotlar mavjud emas.
Manbaning so‘zlariga ko‘ra, o‘zbekistonlik yana bir bokschi Hasanboy Do‘smatov ham qoshi yorilganligi sabab yarim finalda ringga chiqmadi.
