"Paxtakor" futbol akademiyasi tarbiyalanuvchilari mart oyida turli xalqaro musobaqalarda ishtirok etishdi.
Baxtiyor Nuraliyev ustozlik qilayotgan 2005 yilda tug‘ilgan yosh futbolchilar Tojikistonning Guliston shahrida o‘tkazilgan Markaziy Osiyo Kubogida qatnashib, g‘olibga aylanishdi. Ular musobaqada barcha raqiblarini dog‘da qoldirishdi.
Qozog‘istonning Olma-Ota shahrida o‘tkazilgan xalqaro turnirda 3 yosh toifasida 4 ta klub ishtirok etdi. Shuhrat Bo‘riyev boshchiligidagi yoshlarimiz 2-o‘rinni egallashgan bo‘lsa, 2008 yil jamoasi Asqar Xolmurodov qo‘l ostida uchinchi pog‘onadan joy oldi. Shu yoshdagi boshqa bir jamoamiz Bobur Abdurahmonov murabbiyligida 5-o‘rinni egalladi. Sarvar Haydarov boshchiligidagi 2010 yil jamoasi esa 4-pog‘ona bilan cheklandi.
2009 yildagi tarbiyalanuvchilarimiz Aziz Talxatov qo‘l ostida Toshkentda bo‘lib o‘tgan "Navro‘z Kubogi" finalida "Chig‘atoy"dan 2:1 hisobida ustun kelishdi.
Shuningdek, 2002 yilda tavallud topgan o‘smirlar Toshkentda Qozog‘istonning "Qayrat" jamoasi tarbiyalanuvchilari bilan o‘rtoqlik uchrashuvida 1:1 hisobida durangga imzo chekishdi. Tez orada "Qayrat" akademiyasi bilan boshqa yoshdagi jamoalarimiz o‘yinlar o‘tkazishi ham mo‘ljallangan.
Shu kunlarda 2009 yilda tug‘ilgan futbolchilarimiz Sarvar Otaboyev boshchiligida Rossiyaning Dagomis shahrida o‘tadigan "Dagomis Kubogi"da ishtirok etishadi. "Paxtakor-1" "A" guruhida "Metallurg" Lipesk, "Dagomis-2" va Irbis BO‘SM jamoalariga qarshi maydonga tushadi. "Paxtakor-2" esa Magnitogorsk BO‘SM, "Monolit" Sochi va "Gazprom" Astraxan futbolchilari bilan o‘yinlar o‘tkazishadi.
