AGMK – “Qo‘qon-1912” uchrashuvidan so‘ng mehmonlar ustozi No‘’mon Hasanov quyidagicha fikr bildirib o‘tdi:
- O‘yinni ko‘rdingiz, yirik hisob qayd etildi. Futbolchilik paytimda ham, murabbiylik faoliyatimda ham hali bunday yirik hisobda mag‘lub bo‘lmagan edim. AGMKni g‘alaba bilan tabriklayman. Ular bugun haqli ravishda g‘alaba qozonishdi.
“Andijon” bilan bo‘lgan uchrashuvda ham o‘yinimiz qovushmagandi. Bugun tarkibda o‘zgartirish kiritishga qaror qildim. Asosan yoshlarga imkoniyat berdim.
Negadir birinchi turdagi kabi o‘ynay olmadik. Buning sababini yigitlardan so‘raganim yo‘q. Hozir kiyinish xonasida qizil kartochka olgan ikki nafar yosh futbolchim alamdan yig‘lab o‘tiribdi.
Yuqorida ta’kidlab o‘tganimdek, faoliyatim davomida bunday xunuk hisobda mag‘lubiyatga uchramaganman, - dedi murabbiy.
