Angliya kubogida final yo‘llanmasini qo‘lga kiritgan ikkinchi jamoaning nomi aniq bo‘ldi.

"Uotford" va "Vulverxempton" o‘rtasidagi yarim final bahsi dramatik tarzda kechdi. Bahsning 62-daqiqasiga kelib "bo‘rilar" ikkita to‘p farqi bilan oldinga o‘tib olishdi. O‘yin tugashiga 11 daqiqa qolganida Deulofeu bitta javob to‘pini kiritdi.

O‘yinga qo‘shib berilgan daqiqalarda esa mehmonlar darvozasi tomon penalti belgilandi. Troy Dini undan samarali foydalanib, hisobni tenglashtirdi.

Qo‘shimcha taymlarning dastlabkisi yakunlanayotgan paytda yana o‘sha Deulofeu raqib darvozasini ishg‘ol qildi. 3:2 hisobiga bahs so‘ngiga qadar o‘zgarmadi.

«Uotford» o‘z tarixida ikkinchi marta Angliya kubogi finalida o‘ynaydigan bo‘ldi. Jamoa ilk marta 1984 yili finalga chiqib, hal qiluvchi bahsda «Everton»ga imkoniyatni boy bergan edi. Jamoa bu safar finalda "Manchester Siti" bilan to‘qnash keladi. Hal qiluvchi uchrashuv 1 may kuniga belgilangan.

Angliya kubogi, yarim final
Uotford – Vulverxempton 3:2 (0:1, 2:1, 1:0)
Gollar: 0:1 – 36 Doerti, 0:2 – 62 Ximenes, 1:2 – 79 Deulofeu, 2:2 – 90, penalti Dini, 3:2 – 104 Deulofeu.
Uotford – Gomes, Mariappa, Xolebas (Mazina, 98), Femeniya (Yanmat, 108), Ketkart, Xyuz (Deulofeu, 66; Sema, 112), Dukure, Kapu, Pereyra, Dini, Grey.
Vulverxempton – Raddi, Boli, Kastro (Ruben Vinagre, 105), Doerti, Koudi, Ruben Nevesh (Bennett, 86), Saiss, Diogu Jota (Kavaleyru, 89), Dendonker, Moutinyu (Traore, 102), Ximenes.
Ogohlantirishlar: Saiss (10), Ruben Nevesh (25), Ketkart (54), Xolebas (61), Kapu (101).