Англия кубогида финал йўлланмасини қўлга киритган иккинчи жамоанинг номи аниқ бўлди.

"Уотфорд" ва "Вулверхэмптон" ўртасидаги ярим финал баҳси драматик тарзда кечди. Баҳснинг 62-дақиқасига келиб "бўрилар" иккита тўп фарқи билан олдинга ўтиб олишди. Ўйин тугашига 11 дақиқа қолганида Деулофеу битта жавоб тўпини киритди.

Ўйинга қўшиб берилган дақиқаларда эса меҳмонлар дарвозаси томон пенальти белгиланди. Трой Дини ундан самарали фойдаланиб, ҳисобни тенглаштирди.

Қўшимча таймларнинг дастлабкиси якунланаётган пайтда яна ўша Деулофеу рақиб дарвозасини ишғол қилди. 3:2 ҳисобига баҳс сўнгига қадар ўзгармади.

«Уотфорд» ўз тарихида иккинчи марта Англия кубоги финалида ўйнайдиган бўлди. Жамоа илк марта 1984 йили финалга чиқиб, ҳал қилувчи баҳсда «Эвертон»га имкониятни бой берган эди. Жамоа бу сафар финалда "Манчестер Сити" билан тўқнаш келади. Ҳал қилувчи учрашув 1 май кунига белгиланган.

Англия кубоги, ярим финал
Уотфорд – Вулверхэмптон 3:2 (0:1, 2:1, 1:0)
Голлар: 0:1 – 36 Доэрти, 0:2 – 62 Хименес, 1:2 – 79 Деулофеу, 2:2 – 90, пенальти Дини, 3:2 – 104 Деулофеу.
Уотфорд – Гомес, Мариаппа, Холебас (Мазина, 98), Фемения (Янмат, 108), Кэткарт, Хьюз (Деулофеу, 66; Сема, 112), Дукуре, Капу, Перейра, Дини, Грэй.
Вулверхэмптон – Радди, Боли, Кастро (Рубен Винагре, 105), Доэрти, Коуди, Рубен Невеш (Беннетт, 86), Саисс, Диогу Жота (Кавалейру, 89), Дендонкер, Моутинью (Траоре, 102), Хименес.
Огоҳлантиришлар: Саисс (10), Рубен Невеш (25), Кэткарт (54), Холебас (61), Капу (101).