Bilasiz, ushbu hafta so‘nggida Superligada 4-tur uchrashuvlari bo‘lib o‘tadi.

Superliga nomi ostida o‘tadigan 2019 yilgi mavsumidan boshlab, har bir tur uchrashuvlarida jamoalarning qanday rangdagi libosda maydonga chiqishlari Professional futbol ligasi tomonidan belgilab berilmoqda.

Bunda mezbon jamoaning o‘z maydonida muxlislari qarshisida to‘p surishi inobatga olinib, birinchi galda mezbon klubning asosiy rangidagi libosda harakat qilishi ahamiyat kasb etadi. Shu boisdan har bir klub yangi mavsum uchun uy va safar liboslarini bir-biridan keskin farq qiladigan tarzda tanlashlariga urg‘u berildi.

4-tur doirasida “Surxon” o‘z uyida “Paxtakor”ni qabul qiladi. Mazkur bahsda mezbonlar to‘liq oq rangdagi sport formasida harakat qilishadi. Mehmonlar esa ko‘k-sariq futbolka, ko‘k shorti va ko‘k getrilarda maydonga chiqishadi. 

Ta’kidlash joiz, “Surxon” — “Paxtakor” uchrashuvi 14 aprel, yakshanba kuni soat 16:15da bo‘lib o‘tadi.