Kecha, 9 aprel kuni OCHL guruh bosqichi 3-tur uchrashuvlari bo‘lib o‘tdi. Ushbu turda Toshkentning “Paxtakor” jamoasi o‘z uyida Qatarning “Al Sadd” jamoasini qabul qildi va 2:2 hisobida durang natija qayd etdi.
Qiziqarli kechgan bahsdan so‘ng “Paxtakor” klubi hujumchisi Dragan Cheran Worldnews.uz muxbiriga o‘z fikrlarini bildirib o‘tdi.
“Al Sadd”ga qarshi qiyin va qiziqarli bahsni o‘tkazdik. Afsuski ushbu o‘yinda kerak bo‘lgan 2 ochkoni yo‘qotdik. Muxlislarimiz bizni tinmay qo‘llab-quvvatlab turishdi. Ularga katta rahmat aytaman.
Xaviga qarshi futbol o‘ynash bu ajoyib.U tajribali futbolchi. O‘tgan yili ham OCHL bahsida “Nasaf” tarkibida Xaviga qarshi o‘yin o‘tkazganman.
Keyingi bahslarning barchasida “Al Sadd”ga qarshi o‘tkazgan o‘yinimiz kabi harakat qilsak, ijobiy natijaga erishamiz. Guruhimizdagi raqiblar kuchli ekanligini bilaman, biz ham kuchsiz emasmiz”, - deydi Cheran.
