Кеча, 9 апрель куни ОЧЛ гуруҳ босқичи 3-тур учрашувлари бўлиб ўтди. Ушбу турда Тошкентнинг “Пахтакор” жамоаси ўз уйида Қатарнинг “Ал Садд” жамоасини қабул қилди ва 2:2 ҳисобида дуранг натижа қайд этди.
Қизиқарли кечган баҳсдан сўнг “Пахтакор” клуби ҳужумчиси Драган Черан Worldnews.uz мухбирига ўз фикрларини билдириб ўтди.
“Ал Садд”га қарши қийин ва қизиқарли баҳсни ўтказдик. Афсуски ушбу ўйинда керак бўлган 2 очкони йўқотдик. Мухлисларимиз бизни тинмай қўллаб-қувватлаб туришди. Уларга катта раҳмат айтаман.
Хавига қарши футбол ўйнаш бу ажойиб.У тажрибали футболчи. Ўтган йили ҳам ОЧЛ баҳсида “Насаф” таркибида Хавига қарши ўйин ўтказганман.
Кейинги баҳсларнинг барчасида “Ал Садд”га қарши ўтказган ўйинимиз каби ҳаракат қилсак, ижобий натижага эришамиз. Гуруҳимиздаги рақиблар кучли эканлигини биламан, биз ҳам кучсиз эмасмиз”, - дейди Черан.
