«Barselona» hujumchisi Lionel Messi Yevropa chempionlar ligasining chorak final bosqichida «Manchester Yunayted»ga qarshi bo‘lib o‘tgan o‘yinda (1:0) jarohat oldi.
Bahsning 30-daqiqasida "MYU" himoyachisi Kris Smolling havodagi to‘p uchun kurashda Messining yuziga qo‘li bilan zarba berib yubordi. Shundan so‘ng argentinalik futbolchining burni qonadi va unga tibbiy yordam ko‘rsatildi.
Natijada Messi nafas olishda muammolarga duch keldi. O‘yinning tanaffusida «Barselona» shifokorlari uni tekshiruvdan o‘tkazib, burun sinmaganini qayd etishdi.
Futbolchi bugun, 11 aprel kuni chuqurlashtirilgan tibbiy ko‘rikdan o‘tadi. Katta ehtimol bilan uning burun sohasi darz ketish yuz bergan. Agar ushbu diagnoz o‘z tasdig‘ini topsa, u «Ueska»ga qarshi kechadigan La liga bahsini o‘tkazib yuborishi mumkin. Lionel «MYU»ga qarshi javob o‘yinigacha tayyor bo‘ladi.
Shuningdek, Messining ko‘zining qovoq sohasida ham yengil lat yeyish yuzaga keldi.
