«Барселона» ҳужумчиси Лионель Месси Европа чемпионлар лигасининг чорак финал босқичида «Манчестер Юнайтед»га қарши бўлиб ўтган ўйинда (1:0) жароҳат олди.
Баҳснинг 30-дақиқасида "МЮ" ҳимоячиси Крис Смоллинг ҳаводаги тўп учун курашда Мессининг юзига қўли билан зарба бериб юборди. Шундан сўнг аргентиналик футболчининг бурни қонади ва унга тиббий ёрдам кўрсатилди.
Натижада Месси нафас олишда муаммоларга дуч келди. Ўйиннинг танаффусида «Барселона» шифокорлари уни текширувдан ўтказиб, бурун синмаганини қайд этишди.
Футболчи бугун, 11 апрель куни чуқурлаштирилган тиббий кўрикдан ўтади. Катта эҳтимол билан унинг бурун соҳаси дарз кетиш юз берган. Агар ушбу диагноз ўз тасдиғини топса, у «Уэска»га қарши кечадиган Ла лига баҳсини ўтказиб юбориши мумкин. Лионель «МЮ»га қарши жавоб ўйинигача тайёр бўлади.
Шунингдек, Мессининг кўзининг қовоқ соҳасида ҳам енгил лат ейиш юзага келди.