“Dinamo” – “So‘g‘diyona” uchrashuvidan so‘ng mezbonlar ustozi Davron Fayziyev quyidagicha fikr bildirib o‘tdi:
- Bugun bahs olib borgan ikki jamoaning mini derbisi azaldan shiddatli tarzda o‘tib kelgan. Bugungi o‘yin ham muxlislarga yoqadigan tarzda kechdi, desam bo‘ladi. Maydonda haqiqiy jangovar to‘qnashuv kechdi. Omad bugun bizga kulib boqdi. Bundan juda ham mamnunmiz. Har bir bahsda bejizga Superliga ishtirokchisiga aylanmaganimizni isbotlashga urinyapmiz. Yigitlarda ishtiyoq juda yuqori va mana shu ishtiyoqni mavsum so‘nggiga qadar yo‘qotmaslikka harakat qilamiz, - dedi mutaxassis.
